2023 онд Монгол Улс анх удаа нойр булчирхай шилжүүлэн суулгах эмчилгээг хийхээр болжээ.
Тодруулбал улсын нэгдүгээр эмнэлгийн баг БНСУ-ын хамгийн том эмнэлэг болох Сөүл хотын Асан эмнэлгийн Ерөнхийлөгч, профессор Сүн Ил Пак, элэг шилжүүлэн суулгах, нойр булчирхайн мэс заслын тасгийн дарга профессор Деок-Бог Мүн болон удирдлагын бусад гишүүдтэй уулзаж, хамтран ажиллахаар болсон байна.
Түүнчлэн элэгний багийн ахисан шатны сургалтыг эхлүүлэх, хавдрын тусламж үйлчилгээг тус эмнэлэгт өргөжүүлэхээр ярилцжээ.
Нэгдүгээр төв эмнэлэг 2011 оноос эхлэн Асан эмнэлэгтэй хамтран ажиллаж байгаа бөгөөд өдгөө 180 хүнд элэг шилжүүлэн суулгах мэс заслыг амжилттай хийгээд байгааг ЭМЯ мэдээллээ.
