Түнхний үений бүтэц, үрэвслийн шалтгаан, шинж тэмдэг, нөхөн сэргээх эмчилгээний аргууд

Гэмтэл согог судлалын үндэсний төвөөс "Эрүүл Монгол хүн" үндэсний хөдөлгөөний хүрээнд иргэд олон нийтэд зориулсан эрүүл мэндийн урьдчилан сэргийлэх зөвлөгөө, мэдээллийг цувралаар хүргэж байна. Энэ хүрээнд ГССҮТ-ийн Насанд хүрэгсдийн гэмтэл согогийн тасгийн тэргүүлэх зэргийн эмч, Анагаах ухааны магистр, Клиникийн профессор, Хүний гавьяат эмч Ө.Өлзийбаатар "Түнхний үений бүтэц, үрэвслийн шалтгаан, шинж тэмдэг, нөхөн сэргээх эмчилгээний аргууд"-ын талаар зөвлөгөө мэдээлэл өглөө. Хүний биеийн тулгуур эрхтний хамгийн том үе болох түнхний үений гэмтэл, үрэвслийн шалтгаан нь ихэвчлэн амьдралын хэв маягтай холбоотой бөгөөд илүүдэл жин, суурь эмгэг, үе мөчний ачаалал ихтэй хөдөлгөөн зэргээс үүдэн өөрчлөлт ордог байна.