Дэлхий даяар халдвар авсан хүний тоо 450 сая давжээ


Дэлхий даяар коронавирусний халдварын батлагдсан тохиолдлын тоо 450 сая давж, нас барсан хүний тоо 6.01 саяд хүрсэн гэж Дэлхийн эрүүл мэндийн байгууллага /ДЭМБ/ пүрэв гарагт мэдээлэв. Гуравдугаар сарын 10-ны байдлаар ДЭМБ 450 229 635 хүн халдвар авч, 6 019 985 хүн нас барсан тухай мэдээлэл авчээ. Өдөрт халдвар авсан хүний тоо 1 816 925-аар, нас барсан хүний тоо 7 163-аар нэмэгдсэн байна.

ДЭМБ-ын статистик мэдээнд улс орнуудын өгсөн халдвар авсан болон нас барсан хүмүүсийн талаарх зөвхөн албан ёсоор батлагдсан мэдээллийг харгалзан үздэг. Дэлхий даяар халдвар авсан хүний тоо хоёрдугаар сарын 10-нд 400 сая, нэгдүгээр сарын 8-нд 300 сая, өнгөрсөн оны 11 дүгээр сарын 9-нд 250 сая, наймдугаар сарын 5-нд 200 саяыг давжээ. Халдварын хамгийн олон буюу 78 647 682 тохиолдол АНУ-д бүртгэгдсэн бол тус улсын араас Энэтхэг (42 980 067), Бразил (29 138 362), Франц (22 539 786), Их Британи (19 373 888) орж байна. Нас баралтын тохиолдлын тоогоор мөн л АНУ (954 913) нэгдүгээрт жагсаж байгаа бол хоёрдугаарт Бразил (652,829), гуравдугаарт Энэтхэг (515,459) оржээ.
скачать dle 12.0

  • Шинэ мэдээ
  • Их уншсан

Ус уух 5 ШАЛТГААН