ХӨСҮТ-ийн Ерөнхий захирлын албан үүргийг хавсран гүйцэтгэгч Ж.Байгалмаа “Энэ жилийн томуугийн улирлыг угтан 300 мянган тун вакциныг эрсдэлт бүлэг болох тав хүртэл насныхан, 65 дээш насныхан, эрүүл мэндийн байгууллагын ажилтнуудыг дархлаажуулах үйл ажиллагаанд хамруулсан. Өнөөдрийн байдлаар дархлаажуулалт улсын хэмжээнд 90 хувиас дээш үзүүлэлттэй байна. Томуугийн идэвхжил сүүлийн гурван долоо хонгийн хугацаанд нэмэгдэж эхэлсэн. Идэвхжил нэмэгдсэн эргэлтэд байгаа найман төрлийн вирус байна. Цаашид томуу, томуу төст өвчин нэмэгдэнэ. Вакцин хийлгэснээр хүндрэх байдал бага байдаг. Эрс хүйтрэхэд томуугийн халдвар буурах тохиолдол бий болдог. Одоогийн хүйтний оргил үед 7-14 хоног халдвар харьцангуй бага байдаг. Хэт хүйтэн биш, хуурай цаг агаартай үед халдвар тархах магадлал эсрэгээрээ нэмэгддэг" гэсэн юм.
