Тель-Авивын Их Сургуулийн боловсруулсан шинэ эмчилгээ нь нойр булчирхайн хорт хавдрын эсийг устгахад чиглэж PJ34 гэгддэг жижиг молекулыг ашиглан хорт хавдрын эсийн тоог 90 хувь хүртэл устгаж чадсан байна.
ТАУ-ын Саклер Анагаах Ухааны факультетын профессор Малка Коэн-Армон болон түүний багийнхан Шеба Анагаах Ухааны Төвийн Хавдар судлалын төвийн доктор Талиа Голаны багтай хамтран хийсэн судалгааг саяхан Oncotarget сэтгүүлд нийтлэв.
Тодруулбал, судсаар тарьсан PJ34 нь эсийн хуваагдал митозын үед хүний хорт хавдрын эсийг өөрөө устгадаг болохыг судалгаагаар тогтоожээ. Судалгааг хүний нойр булчирхайн хорт хавдрыг дархлал хомсдолтой хулганад шилжүүлэн суулгах аргаар хийсэн байна. Молекулыг 14 хоногийн турш өдөр бүр тарьснаас хойш нэг сарын дараа "хавдар дахь нойр булчирхайн эсүүд 90 хувь буурчээ. Түүнчлэн нойр булчирхайн хорт хавдар нь эмчлэхэд хамгийн хэцүү хорт хавдрын нэг юм. Энэ өвчнөөр өвчилсөн ихэнх хүмүүс оношлогдсоноосоо хойш хамгийн ихдээ таван жил амьдардаг аж.
Жич: 2019.12.06-ны мэдээ болно.
