Техник технологи өндөр хөгжиж байгаа энэ үед, хүмүүс утасгүй интернетийг гэртээ түгээмэл хэрэглэх болсон. Гэвч ихэнх шинжээчид “Wi-Fi”-ийг чимээгүй дайсан гэж нэрлэх нь бий. Энэ нь төхөөрөмжнөөс “хортой цацраг” гардагтай холбоотой аж. Ингээд хамтдаа мэдээллийн дэлгэрэнгүйтэй танилц.
1.”Wi-Fi” яагаад аюултай вэ? Гар утас болон бусад цахилгаан хэрэгслүүдээс хортой цацраг гардаг бөгөөд үүнийг ихэнх хүмүүс мэдэлгүй эрүүл мэндээ хохироодог нь нууц биш юм. Хамгийн аюултай нь, цахилгаан соронзон долгион хүний тархинд сөргөөр нөлөөлдөг байна. Үүний нэгэн адилаар “Wi-Fi” төхөөрөмжнөөс гарах хортой цацраг нь хорт хавдар үүсгэх, бусад олон төрлийн өвчин тусах үндэс болдог аж. Эдгээр өвчний үед, толгой хөндүүрлэж, хүчтэй хатгуулж өвдөх, нойргүйдэх зэрэг түгээмэл шинжүүд илэрч болно. Үүнийг “Bioiniciative” болон бусад олон улсын их, дээд сургуулиудын судалгаа, шинжилгээний багууд олж тогтоожээ.
2.Хэрхэн нөлөөлдөг вэ? “Wi-Fi”-ийн төхөөрөмжнөөс гарах хортой цацраг нь, хүүхдийг амархан сэтгэлээр унаж, гутрахад хүргэж, өсөлт хөгжилтөнд нь сөргөөр нөлөөлдөг аж. Иймд Их Британи, Франц болон Швед зэрэг улс орнуудад сургууль, музей, номын сан болон олон нийтийн газруудад хүүхдийн эрүүл мэндийн төлөө “Wi-Fi” ашиглахыг хориглодог байна.
3.Яаж сэргийлэх вэ? Та бүхэн “Wi-Fi”-ийн хортой нөлөөнөөс сэргийлэхийн тулд дараах арга хэмжээг аваарай. Үүнд: Гэр бүлийн аль нэг гишүүн интернет хэрэглээгүй бол, шөнө “Wi-Fi” төхөөрөмжийг унтраах хэрэгтэй. Хэрвээ “Wi-FI” төхөөрөмж гал тогоо эсвэл унтлагийн өрөөнд байдаг бол, хүн бага ордог өрөөндөө шилжүүлэн тавиарай. Утасгүй интернет хэрэглэхийн оронд кабелийн сүлжээ ашиглаарай. Энэ нь эрүүл мэндэд хүргэх хор хөнөөл нь харьцангүй бага билээ. Гар утас болон компьютерээ хэрэглээгүй үедээ унтраана уу. Спортоор хичээллэх, ном, сонин унших зэргээр интернет бага ашиглаарай.
Сонирхуулж хэлэхэд сүүлийн үед Япон, АНУ-ын эрдэмтэн судлаачид цахилгаан соронзон долгион ашиглалгүйгээр утасгүй интернет холболтыг бий болгохоор ажиллаж байгаа юм байна. Энэ нь эрүүл мэндэд ямар нэгэн байдлаар сөргөөр нөлөөлөхгүй аж.
