Өнгөрсөн 24 цагийн хугацаанд эмнэлгээс 405, гэрийн хяналтаас 328 хүн эдгэрэн ажиглалт, тусгаарлалтаас гарлаа. Ингэснээр улсын хэмжээнд бүртгэгдсэн 32437 тохиолдлоос 17543 нь эдгэрсэн гэдгийг Эрүүл мэндийн яамнаас мэдээлэв. Нийт эдгэрсэн хүмүүсийн 12 мянга нь эмнэлэгт хэвтэн эмчлүүлсэн бол 5000 гаруй нь гэрээр эмчлүүлж, эдгэрсэн байна. Өнөөдрийн байдлаар эмнэлэгт нийт 4427 хүн хэвтэн эмчлүүлж байгаа бол гэрийн хяналтад 7947 хүн байгаа аж. Харин гэрт нь эсвэл эмнэлэгт хэвтүүлэн эмчлэх эсэхийг хараахан шийдээгүй буюу тандалт судалгаа үргэлжилж буй 2415 хүн байна. Эмнэлэгт хэвтэн эмчлүүлж байгаа хүмүүсийн биеийн байдлыг үнэлбэл,
- Хөнгөн-2557
- Хүндэвтэр-1447
- Хүнд-343
- Маш хүнд-80 хүн байгааг ЭМЯ-ны хэвлэлийн төлөөлөгч танилцуулав.
