Дэлхийн Эрүүл мэндийн байгууллагын ерөнхий захирал Тедрос Адханом 14-нд хэлэхдээ, дэлхийд өдгөө 5.7 тэрбум тун Ковид-19-ийн вакцин тарьсан боловч Африк үүний 2%-л эзэлж байна гэжээ.
Тедрос Адханом мөн өдрийн хэвлэлийн бага хурал дээр хэлэхдээ, Дэлхийн эрүүл мэндийн байгууллагын зорилго нь энэ жилийн сүүлч гэхэд улс орон бүгдээрээ дор хаяж нийт хүн амын 40%-г вакцинд хамруулах явдал юм. 2022 оны дундуур дэлхийн 70%-ийн хүн амыг вакцинд хамруулна. Гэхдээ ДЭМБ-ын тоо баримтаас үзвэл, Африкт өдгөө хоёрхон орон 40%-ийн зорилтоо биелүүлээд байгаа гэжээ.
Тэрээр хэлэхдээ, вакцины тэгш бус хуваарилалтаас болж, өвчин болон нас баралтын эрсдэл ихтэй хүмүүс нь аминд нь хүрэх вирустэй нүүрлэж байхад дэлхийн бусад дийлэнх нь хамгаалалтад байдаг. Вакцины тэгш бус хуваарилалт үргэлжлэх тусам вирусийн халдварын хүрээ улам тэлж, нийгэм нийт, эдийн засгийн замбараагүй байдал улам удаан үргэлжилж, вирусийн мутацийн боломж илүү болж, цаашид вакцины үр нөлөөг бууруулна гэжээ.
Синьхуа агентлагийн мэдээ
