Ковидын халдвараар хөнгөн өвдсөн өвчтөнд үзүүлж буй тусламж үйлчилгээний талаар БЗД-ийн “ЭРҮҮЛ ӨРХ” өрхийн эрүүл мэндийн төвийн дарга М.Алтанхуяг дараах мэдээллийг өглөө.
- Ковид-19-ийн халдвараар хөнгөн өвдсөн өвчтөнийг Өрхийн эрүүл мэндийн төв хянаж, эмчилж буй юм.
- Батлагдсан тохиолдын мэдээллийг ХӨСҮТ-ийн ТАНДАЛТ сайтаас авч, өвчтөнтэй холбогдон ойрын хавьтлыг тодруулна.
- Ойрын хавьтлыг шинжилгээнд хамруулна. Анхны шинжилгээг ХӨСҮТ, Хоёр дахь шинжилгээг 8 дахь хоногт Эрүүл мэндийн төвөөс авна.
- Гэрээр байгаа хөнгөн өвчтөнтэй өдөрт хоёр удаа утсаар холбогдож зөвлөгөө өгч байна.
- Гэрийн тусгаарлалтад байгаа өвчтөн болон ойрын хавьталд зовиур илэрсэн, үзүүлэх шаардлагатай тохиолдолд өрхийн эмч гэрээр очиж үзлэг хийж, биеийн байдлыг үнэлнэ.
- Үнэлгээгээр биеийн байдал хүндэрсэн, эмнэлэгт хэвтүүлэх шаардлагатай гэж үзвэл дүүргийн ЭМТ, НЭМ-ийн холбогдох хүмүүст мэдэгдэж дараагийн шатны арга хэмжээг авна.
- Өвчтөнийг эмнэлэгт хэвтүүлэх бол өрхийн эмч тухайн эмнэлэгт хүргэж өгнө.
