Италийн Ерөнхий сайд асан Сильвио Берлусконигийн коронавирусийн шинжилгээний хариу эерэг гарсан байна. Тэрбээр холбогдох хорио цээрийн журмыг дагаж мөрдөх бөгөөд сонгуулийн сурталчилгаанд хэвлэл мэдээллийн хэрэгслээр онлайнаар ярилцлага өгөх замаар оролцох аж.
Мөн Чехийн Эрүүл мэндийн ахлах референт Ярмила Ларова, Перугийн Ика мужийн захирагч Хавьер Гажегс, Энэтхэгийн Гоа мужийн захирагч Прамод Савинд нар коранавирусээр халдварлажээ. Өнгөрсөн лхагва гарагт Америкийн алдарт жүжигчин Двэйн Жонсон эхнэр, охины хамт коронавирусийн халдвар авснаа мэдэгдсэн.
Жонсон хэвлийнхэнд хандан "Манай гэр бүлийн биеийн байдал маш сайн байгаа" гэж хэлсэн бөгөөд дотны найзуудаасаа халдвар авсан гэж мэдээлжээ. Үүний зэрэгцээ спортын одод сүүлийн үед ар араасаа коронавирусээр халдварлаж байгаа билээ. Францын Парис Сэйнт-Жермен хөлбөмбөгийн клубын гурван тоглогч халдвар авсны дунд алдарт од Неймар багтаад буй юм.
