COVID-19: Бразилд хоногт 1000 гаруй хүн нас баржээ

Өнгөрсөн хоногт Бразилд COVID-19 вирусийн улмаас нас барсан хүний тоо 1000-ыг давжээ. Энэ нь Бразилд тахал дэгдсэн үеэс хойших хамгийн өндөр хоногийн үзүүлэлт гэж тус улсын Эрүүл мэндийн яам мэдээлснийг ВВС дамжууллаа. 
 
Бразилийн Эрүүл мэндийн яамны мэдээлснээр, өнгөрсөн хоногт тус улсад COVID-19 вирусийн улмаас 1156 хүн нас барж, нийт нас баралтын тоо  26 754-д хүрсэн байна. 
 
Харин хоногт шинээр илэрсэн халдварын тохиолдол 26 417-оор нэмэгдсэн нь мөн л хамгийн өндөр үзүүлэлтэд тооцогдож байгаа бөгөөд ингэснээр тус улс дахь халдварын нийт тохиолдол 438 238 болжээ.
 
Бразилийн Сан-Паулу цар тахлын улмаас хамгийн их хохирол амсаж байгаа бүс нутагт тооцогдож байгаа юм. Энд халдвар авсан хүний тоо 95 мянгыг давсан бол 7000 орчим хүн COVID-19 вирусийн улмаас нас баржээ.
 
Г.Бямбасүрэн
скачать dle 12.0
Next Post
  • Шинэ мэдээ
  • Их уншсан
  • Их сэтгэгдэл