“Ус бол чандмань эрдэнэ” гэж бид ярих дуртай. Хүн төрөлхтөн хөгжлийнхөө явцад янз бүрийн өнгө, амт, үнэртэй ундаа бэлтгэж, хэрэглэж сурсан байна. Гэвч нэг балга цэвэр усыг юугаар ч орлуулшгүй юм.
Бидэнд ус ямар хэрэгтэй вэ?
Хэрвээ таны үс гандаж, нүүрний арьс хуурайшиж, хумс нимгэрч байвал тэдгээрийг үүсгэгч олон шалтгааны дотроос та ус бага уудаг юм байна гэдгээ ойлгох хэрэгтэй. Эрдэмтдийн үзэж буйгаар хүн өдөрт 1,5 литр ус уух хэрэгтэй ажээ. Энэ талаар хэлэхэд зарим хүмүүс гайхаж, би зөндөө их юм уудаг шүү дээ гэнэ. Гэтэл хүмүүс цай, кофе, ундаа гээд олон төрлийн ундааг ихээр уудаг ч ус уух хүсэл үгүй болдоггүй байна .
Ус ямар амттай вэ?
Хаа газрын ус төмөрлөгтэй, эрдэс бодистой гэх мэт өөр өөр найрлагатай байдаг нь ус ямарваа нэгэн хольцыг завал агуулдагт оршино. Тиймдээ ч усны амт найрлагаасаа шалтгаалдаг. Усны хамгийн зохистой сэргээх үйлчлэл 7-11о С температурт байлаг бол 15о температурт усны чанар муудаж, цангаа бага тайлдаг.
Гүний ус хамгийн тустай
Сууцны гоожуурын ус эрүүл ахуйн шаардлагыг хангадаг ч цэвэр байж чаддаггүй болохоор ямар нэгэн амттай байдаг. Цэвэр усыг газрын гүнээс олж болно. Учир нь гүний ус үйлдвэрлэлийн бохирдол, нитрит, нитрат, болон химийн хортой нэгдлүүдээс чөлөөтэй байдаг төдийгүй хүний биед тустай микро елементүүдийг өөртөө агуулдаг. Ус цэвэр бол бие эрүүл байна.
