Сурагчдын амралт эхэлж байгаатай холбогдуулан хүүхдийг дэлгэцийн донтолтоос сэргийлэх зөвлөмжийг НЭМҮТ-өөс гаргажээ. 3-6 хүртэлх насны хүүхэд өдөрт 30-45 минут, 6-12 насны хүүхэд өдөрт 90-120 минутыг дэлгэцэд зарцуулж болно гэж ДЭМБ-аас зөвлөдөг. Харин дэлгэцийн хамааралтай болсон үед дараах шинж тэмдгүүд илэрнэ.
Үүнд:
- Гар хуруу өвдөх
- Нүд хуурайших
- Дархлаа муудах
- Биеийн жин буурах
- Өсөлт удаашрах
- Уур уцаартай болох
- Нийгмээс тусгаарлагдах
Эцэг, эхчүүдэд өгөх зөвлөгөө:
- Хүүхдүүдтэйгээ илэн далангүй ярилцах, тэдэнтэй чөлөөт цагаа хамт өнгөрүүлж, цаг гаргах
- Хүүхдийнхээ зөв үйлдлийг үргэлж сайшааж, урамшуулж байх
- Хүүхдийнхээ сонирхлыг байнга дэмжиж, сонирхлоо хөгжүүлэх боломж бололцоогоор хангах
- Хүүхдэд гэртээ тав тухтай байх боломж, бололцоо бүрдүүлэх
- Хүүхдэдээ тавих анхаарал хяналтаа сайжруулан, багштай нь байнга холбоотой байхыг зөвлөлөө.
