Маск зүүж дасгал хөдөлгөөн хийх нь хүүхдийг амьсгалын дутагдалд оруулж байна


Цар тахлаас сэргийлж амны хаалт тогтмол зүүж байгаа. Сургуулийн орчинд ч масктай байхыг шаардаж байгаа юм. Тэгвэл биеийн тамирын хичээлд маск зүүж орох нь хүүхдүүдийн эрүүл мэндэд харш гэдгийг зарим эмч нар анхааруулж эхэллээ. Олон улсад масктай дасгал хөдөлгөөн хийснээс үүдэн ухаан алдаж унасан, агаар дутагдсан зэрэг олон асуудал гарах болсон байна. Сургуулиуд энэ асуудлыг хэрхэн зохицуулж байгааг манай сэтгүүлч сурвалжиллаа.
Хүүхдүүд сургууль дээрээ халдвар хамгааллийн дэглэм баримталж маск зүүсээр байгаа. Маскийг 2 цаг тутамд сольж ангид агаар сэлгэлтийн тогтмол хийж хүүхдүүдийг эрүүл аюулгүй орчинд сурч боловсрох нөхцлийг ханган суралцуулж байгаа билээ. Тэгвэл ерөнхий боловсролын сургууль бүрт ордог биеийн тамирийн хичээл дээр сурагчид маск зүүснээр амьсгаадаж улмаар ухаан алдах эрсдэл үүсэж болохыг эмч мэргэжилтнүүд сануулах болсон. 
Хэдий цар тахлын нөхцөл байдалд байгаа ч болзошгүй эрсдэлээс сэргийлж хүүхдүүдийг биеийн хүчний хүнд дасгал хийлгэхдээ маскийг авахуулж байхыг эмч зөвлөж байна. Сургууль бүр зааландаа агаар сэлгэлт хийж анги орох бүрт цэвэрлэгээ хийснээр амны хаалтгүй байхад эрсдэл бага гэдгийг ч хэлж байна. 
скачать dle 12.0

  • Шинэ мэдээ
  • Их уншсан

Ус уух 5 ШАЛТГААН