Энэтхэгт сүүлийн 24 цагийн хугацаанд коронавирусний халдварын 40425 тохиолдол илэрсэн нь өдөрт бүртгэгдсэн хамгийн өндөр үзүүлэлт боллоо гэж тус улсын Засгийг газар өнөөдөр мэдээлэв.
Энэтхэг нь халдварын тохиолдлын тоогоороо дэлхийд гуравдугаарт бичигдэж байгаа бөгөөд тус улсад 1118043 хүн халдвар авч, 27497 хүн нас баржээ. Өнөөдрийн байдлаар, Энэтхэгт халдвар авсан өвчтөнүүдийн 62.61 хувь буюу 700087 нь эдгэрчээ.
Махараштра мужид халдварын хамгийн шинэ олон тохиолдол бүртгэгдсэн бөгөөд тус мужийн араас Тамилнад, Дели, Карнатака, Андра Прадеш, Уттар Прадеш, Гужарат улс жагссан гэж Эрүүл мэндийн яам мэдээлсэн байна.
Махараштрад ням гарагт халдварын 9518 шинэ тохиолдол илэрснээр халдвар авсан хүний нийт тоо 310455 болжээ. Тус мужийн засаг захиргааны зарим сайдын шинжилгээний хариу өмнө нь эерэг гарсан бол сүүлд Мумбай хотын Хамгаалалтын асуудал хариуцсан сайд Аслам Шейхээс халдвар илэрчээ.
