“Эрүүл шүд-Эрүүл хүүхэд” үндэсний хөтөлбөрийг 2019 оноос хэрэгжүүлж эхэлнэ. Таван жил үргэлжлэх тус хөтөлбөрт нийт 50 тэрбум төгрөг зарцуулах шийдвэрийг Засгийн газар өнгөрсөн наймдугаар сард гаргасан. Хөтөлбөрийн хүрээнд 2-12 насны 625 мянган хүүхдийн шүдийг эрүүлжүүлэхээр төлөвлөөд байгаа юм.
2019 оны төсөвт уг төсөлд зориулан 4.6 тэрбум төгрөг төсөвлөжээ. Энэ нь төлөвлөснөөс багаар батлагдсан тул хувийн хэвшлийн эмнэлгүүдтэй ямар байдлаар хамтран ажиллах журамд хүндрэл учруулж байгаа ажээ. Монгол Улсын 18 хүртэлх насны хүүхдийн 84-96 хувь нь шүд цооролтой гэсэн судалгаа байдаг.
