Улаанбаатар хотод өнгөрсөн зургадугаар сард ДОХ-ын хоёр тохиолдол бүртгэгдсэнээр улсын хэмжээнд энэхүү халдвараар өвчилсөн хүний тоо 295 болжээ.
Энэ оны эхний хагас жилд халдварт өвчнөөр өвчлөгчид 17 мянга болж, өмнөх оны мөн үеэс 5,798 (25.4%)-аар буурсан байна. Ийнхүү буурахад
- салхин цэцгээр өвчлөгчид 5,071 (74.4%)-ээр
- цусан суулгаар өвчлөгчид 1,209 (52.8%)-өөр
- гар, хөл, амны өвчнөөр өвчлөгчид 729 (75.1%)-өөр БУУРСАН нь голлон нөлөөлжээ.
Харин
- мөөгөнцрөөр өвчлөгчид 995 (2.3 дахин)-аар
- тэмбүүгээр өвчлөгчид 744 (24.5%)-өөр
- трихомониазаар өвчлөгчид 297 (13.7%)-оор
- гонококкт халдвараар өвчлөгчид 19 (0.7 %)-өөр
- ХДХВ/ДОХ-оор өвчлөгчид 3 (50.0%)-аар НЭМЭГДСЭН байна.
Халдварт өвчнөөр өвчлөгчдийг халдварын замын төрлөөр авч үзэхэд 2020 оны зургаадугаар сарын байдлаар
- бэлгийн замаар дамжих халдварын тохиолдол 1,130 болж, өмнөх сараас 261 (13.8%)-ээр
- цусаар дамжих халдварын тохиолдол 19 болж, 7 (26.9%)-оор тус тус буурсан бол
- гэдэсний халдварт өвчин 322 болж, 102 (46.4%)-оор
- амьсгалын замаар дамжих халдварын тохиолдол 424
- болж, 19 (4.7%)-өөр тус тус нэмэгдсэн байна.
Эх сурвалж: ikon.mn
