“AstraZeneca” болон Оксфордын их сургуулийн хамтран хөгжүүлж буй вакцин тунгийн алдаатай

“AstraZeneca” болон Оксфордын их сургуулийн хамтран хөгжүүлж буй коронавирусийн эсрэг вакцин өндөр үр дүнтэй байгаа нь тунгийн алдаанаас болсон байж магадгүй ажээ. Вакцины нэг бүтэн болон тал тунг тарихад 92 хувийн үр дүнтэй байгаа талаар өнгөрсөн даваа гарагт мэдээлсэн. Гэхдээ вакцины хоёр бүтэн тунг тарьсны дараа ердөө 62 хувийн үр дүнтэй байжээ.
 
“AstraZeneca”-гийн био эмийн бэлдмэлийн судалгаа, боловсруулалтын албаны дарга Мене Пангалос вакцин хоёр өөр үр дүнтэй байгаа нь тунгаас болсон байж магадгүй хэмээгээд одоогоор юунаас болсныг нь тогтоохоор ажиллаж байгааг онцолжээ.
 
Оксфордын их сургуулиас өнгөрсөн лхагва гарагт хийсэн мэдэгдэлдээ уг асуудлыг зохицуулагч байгууллагуудтай ярилцаж, асуудлыг шийдэхээр төлөвлөж байгааг мэдэгдсэн байна. Оксфордын их сургуулийн төлөөлөгч “Euronews”-д өгсөн ярилцлагадаа “Үйлдвэрлэлийн процессын алдаанаас болж, багц дахь тунг хэт өндөр тооцоолсон. Зохицуулагчтай ярилцсаны дараа хоёр өөр концентрацийг III үе шатанд туршиж үзсэн” гэв. Флоридагийн их сургуулийн биостатистикийн туслах профессор Натали “Хэрэв тэд нэг бүтэн, хагас тунг тарих байдлаар вакциныг батлуулах гэж байгаа бол үр дүн гарах хүртэл хүлээх хэрэгтэй. Үгүй бол бид вакцин үнэхээр үр дүнтэй эсэхийг батлах нотолгооны мухардалд орно” хэмээжээ. АНУ-ын коронавирусийн эсрэг вакцины хөтөлбөрийг удирдаж буй Монсеф Слауи “AstraZeneca судалгааг хагас тунгаар нэмж оруулахаар шийдэж магадгүй юм. Гэхдээ бид үүнийг шинжлэх ухаанд үндэслэн хийх болно” гэсэн байна.
 
Эх сурвалж: "Монголын үнэн" сонин
скачать dle 12.0
Next Post
  • Шинэ мэдээ
  • Их уншсан
  • Их сэтгэгдэл