"Proceedings of the National Academy of Sciences" сэтгүүлд нийтлэгдсэн судалгаанд урьд өмнө жирэмслээгүй эмэгтэйчүүдтэй харьцуулахад жирэмсэлж байсан эмэгтэйчүүдэд биологийн хөгшрөлтийн шинж тэмдэг илэрсэн талаар онцолжээ. Тодруулбал, эмэгтэй хүн олон удаа жирэмслэх тусам биологийн хөгшрөлтийн хурд нэмэгддэг байна. Мэйлмэний Нийгмийн эрүүл мэндийн сургуулийн хөгшрөлтийн төвийн судлаач Кален Райан "Жирэмслэлт нь бие махбодид нөлөөлдөг гэдгийг бид мэднэ. Гэхдээ жирэмслэлт нь зарим өвчин, нас барах эрсдэлийг нэмэгдүүлдэг бололтой" гэжээ.
Ямар судалгаа хийсэн бэ?
Райан болон түүний баг Филиппиний Себугийн эрүүл мэнд, хоол тэжээлийн судалгаанд хамрагдсан 1700 гаруй хүний мэдээлэлд дүн шинжилгээ хийжээ. Судалгаа эхлэх үед буюу 2005 онд 20-22 насны бүх оролцогчоос цусны дээж авч, нөхөн үржихүйн болон бэлгийн амьдралын түүх, тэр дундаа хэдэн удаа жирэмсэлсэн зэрэг асуултад хариулт авсан байна. Цусны бүх дээжийг хөгшрөлттэй холбоотой хэд хэдэн биологийн хүчин зүйл, түүний дотор эпигенетик өөрчлөлт гэж нэрлэгддэг ДНХ-ийн өөрчлөлтийг судалсан байна. Судлаачид дор хаяж нэг удаа жирэмсэн байсан эмэгтэйчүүд жирэмсэн болоогүй ижил насны эмэгтэйчүүдээс биологийн хувьд арай хөгшин болохыг тогтоожээ. Жирэмслэлт нь илүү хурдан хөгшрөхөд хүргэдэг бөгөөд энэ нь хэзээ ч жирэмсэлж байгаагүй эмэгтэйчүүдээс жилд гурван хувиар илүү байдаг аж.
Жирэмслэлт нь биеийг хэрхэн хөгшрүүлж болох вэ?
Йелийн Анагаах Ухааны Сургуулийн Киран О'Доннелл тэргүүтэй судлаачид жирэмсэн үед хөгшрөлтийн хүчин зүйлүүд ижил хурдацтай байгааг олж мэдсэн ч жирэмсний дараа, ялангуяа эхчүүд хөхөөр хооллох үед эдгээр өөрчлөлтүүд өөрчлөгддөг болохыг судалгаандаа бичсэн байна. Тэр судалгаагаар О'Доннелл жирэмслэлт нь биологийн насыг 1-2 жилээр нэмэгдүүлсэн ч төрсний дараах гурван сар хөгшрөлтийн хурд 16 хувиар буурсан болохыг тогтоожээ. "Бидэнд жирэмслэлт нь биологийн хөгшрөлтийг хурдасгадаг гэсэн нотолгоо бий. Төрсний дараа өөрчлөгддөг. Гэхдээ энэ өөрчлөлт буюу хөгшрөлт удаашрах үйл явц хүн бүр болон улс орон бүрд өөр байдаг” гэжээ.
Эх сурвалж: TIME
