ДЭМБ-аас жингээ хасахын тулд сахар орлуулагч бүтээгдэхүүн хэрэглэхгүй байхыг зөвлөлөө. Тодруулбал, сахар орлуулах бүтээгдэхүүний найрлагад багтдаг “stevia”, “aspartame” гэх бодисууд нь хүний биеийн жинг бууруулахад ямар нэг нөлөө үзүүлдэггүй нь судалгаагаар тогтоогджээ. Түүнчлэн сахар орлуулагч бүтээгдэхүүн нь хоёрдугаар хэлбэрийн чихрийн шижин, зүрх судасны өвчлөл үүсгэх өндөр эрсдэлтэй аж. Мөн “stevia”, “aspartame” хэмээх бодисууд нь Diet болон Zero Sugar зэрэг тодотголтой хүнсний бүтээгдэхүүнүүдэд түгээмэл ашиглагддаг гэлээ.
